ویڈیو اسکینڈل میں ملوث ملزمان سزا سے نہیں بچ سکتے، مشیر داخلہ بلوچستان

کوئٹہ : مشیر داخلہ بلوچستان میر ضیاء لانگو نے کہا ہے کہ ویڈیو اسکینڈل میں ملوث ملزمان سزا سے کسی صورت نہیں بچ سکتے۔گوادر دھرنے کے شرکاء کے 16مطالبات پورے کردیے 3 مطالبات وفاقی حکومت کے اختیار میں ہیں ۔

ویڈیو اسکینڈل پر تحقیقات اور دیگر امور کا جائزہ لینے کے لیے اعلی سطحی اجلاس کے بعد پریس کانفرنس کرتے ہوئے مشیر داخلہ میر ضیاء لانگو کا کہنا تھا کہ پولیس اور فورسز فرائض سے غافل نہیں پولیس کی جانب سے رپورٹ پیش کی گئی جس سے مطمئن ہیں یقین دلاتا ہوں کہ ویڈیو اسکینڈل معاملے میں کسی کو معاف نہیں کیا جائے گا ۔

ان کا کہنا تھا کہ گوادر دھرنے کے سولہ مطالبات حکومت نے پورے کئے۔تین مطالبات وفاقی حکومت سے ہیں، بارڈر کا کنٹرول ایف سی سے ایک رات میں نہیں لے سکتے
فورسز کی قربانیوں سے حالات بہتر ہوئےہیں ۔

ینگ ڈاکٹرز کی ریڈ زون میں دھرنے اور وزیر اعلی ہاوس کا گھیراؤکرنے کی کال پر مشیر داخلہ نے کہا کہ ڈاکٹرز احتجاج پر عدالتی احکامات پر عمل درآمد ہوگا۔ حکومت کی رٹ چیلنج کرنے کی کسی کو اجازت نہیں دینگے۔

This website uses cookies to improve your experience. We'll assume you're ok with this, but you can opt-out if you wish. Accept Read More