امریکی مفادات کے خلاف ایرانی اقدامات کا جواب دیںگے، جو بائیڈن

واشنگٹن: امریکی صدر جو بائیدن کا کہنا ہے کہ اپنے مفادات کے خلاف ڈرون حملوں سمیت ایران کے اقدامات کا جواب دیں گے۔

غیرملکی خبر ایجنسی کے مطابق روم میں جی 20 کے سربراہ اجلاس کے اختتام پر منعقد ایک پریس کانفرنس کے دوران امریکی صدر جو بائیدن نے کہا کہ جوہری معاہدے کی بحالی ایران کے ایکشنز کے ساتھ مربوط ہے۔ انہوں نے باور کرایا کہ سمجھوتے کی طرف نہ لوٹنے کی صورت میں ایران کو اقتصادی قیمت چکانا پڑے گی۔

جو بائیڈن نے بتایا کہ ہفتے کے روز ہونے والی ملاقات میں ان کے اور برطانوی وزیر اعظم بورس جانسن، فرانسیسی صدر عمانوئل ماکروں اور جرمن چانسلر اینگلا میرکل کے بیچ اس بات پر اتفاق رائے ہوا کہ ایران کو جوہری ہتھیاروں کے حصول سے روکنے کے واسطے سفارت کاری بہترین راستہ ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More