بیلاروس کے ساتھ تعلقات کو فروغ دینے کے خواہاں ہیں، آرمی چیف

اسلام آباد : آرمی چیف جنرل قمر جاوید باجوہ نے کہا ہے کہ بیلاروس کے ساتھ تعلقات کو مزید فروغ دینے کے خواہاں ہیں۔

آئی ایس پی آرکے مطابق بیلاروس کے سفیر نے جنرل ہیڈ کوارٹرز کا دورہ کیا اور سپہ سالار جنرل قمر جاوید باجوہ سے ملاقات کی۔ ملاقات میں باہمی دلچسپی، دفاعی تعاون، علاقائی سکیورٹی، افغانستان کی صورتحال اور انسانی ہمدردی کے اقدامات میں تعاون پر بات چیت کی گئی۔ بیلا روس کے سفیر نے افغان صورتحال اور خطے میں استحکام کے لیے پاکستان کے کردار کو سراہا

آئی ایس پی آر کے مطابق اس موقع پر آرمی چیف کا کہنا تھا کہ افغانستان کو انسانی بحران سے بچانے کیلئے فوری عالمی معاونت کی ضرورت ہے۔پاکستان علاقائی و عالمی امور میں بیلا روس کے کردار کو قدر کی نگاہ سے دیکھتا ہے۔ بیلاروس کے ساتھ تعلقات کو مزید فروغ دینے کے خواہاں ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More