نئے وزیراعظم کے انتخاب کیلئے کل ووٹنگ ہوگی

اسلام آباد: قومی اسمبلی میں عمران خان کے خلاف تحریک عدم اعتماد کامیاب ہونے کے بعد نئے وزیر اعظم کے انتخاب کے لیے کاغذات نامزدگی آج دن دو بجے وصول کیے جائیں گے جبکہ ووٹنگ کل دوپہر دو بجے ہوگی۔

قومی اسمبلی سیکرٹریٹ کے مطابق وزیراعظم کے عہدے کے انتخاب کے لیے کاغذات نامزدگی آج اتوار کو دن دو بجے تک جمع کرائے جاسکتے ہیں جبکہ کاغذات کی جانچ پڑتال بھی آج ہی دن تین بجے ہوگی جس کے بعد امیدواروں کا اعلان کردیا جائے گا۔

وزیراعظم کے عہدے پر الیکشن کل دن دو بجے ہوگا۔ قومی اسمبلی کا اجلاس کل صبح گیارہ بجے طلب کیا گیا تھا جس میں وزیراعظم کے عہدے کے لیے ووٹنگ ہونا تھی تاہم اب وقت تبدیل کردیا گیا ہے جس کے مطابق ووٹنگ پیر کو دن دو بجے ہوگی۔

This website uses cookies to improve your experience. We'll assume you're ok with this, but you can opt-out if you wish. Accept Read More