اقوام متحدہ میں کام کرنے والے بارہ روسی سفارت کاروں کو ملک بدر کرنے کا حکم

واشنگٹن نے اقوام متحدہ میں ماسکو کے مشن میں کام کرنے والے بارہ عملے کو ملک بدر کرنے کا حکم دیا ہے۔اقوام متحدہ میں روس کے سفیر واسیلی نیبنزیا کا کہنا ہے کہ انہیں امریکی حکام نے ایک خط کےزریعے آگاہ کیا ہے کہ بارہ روسی سفارت کاروں کو نان گراٹا قرار دیا گیا ہے۔ان سفارتکاروں کو سات مارچ تک ملک چھوڑنے کو کہا گیا ہے۔

روسی سفیر نے اس اقدام کو اقوام متحدہ میں روسی مشن کے خلاف دشمنی پر مبنی کارروائی قرار دیا۔انہوں نے کہا کہ یہ میزبان ملک کے معاہدے کی کھلی خلاف ورزی ہے۔امریکہ نے گزشتہ سال بھی ستائیس روسی سفارت کاروں اور ان کے اہل خانہ کو ملک بدر کر دیا تھا ۔

This website uses cookies to improve your experience. We'll assume you're ok with this, but you can opt-out if you wish. Accept Read More