روس اور یوکرین کے درمیان مذاکرات کا پہلا دور بیلا روس میں ختم

ماسکو اور کیف کے درمیان مذاکرات کا پہلا دور بیلا روس میں ختم ہوا۔دونوں ممالک کے وفود نے جنگ بندی کے لیے اپنی اپنی شرائط سے آگاہ کیا۔

عالمی میڈیا کے مطابق یوکرین اور روس کے وفود بیلاروس کے سرحدی مقام پر مزاکرات کی میز پر بیٹھے ۔یوکرین کے صدر کے مشیر میخائیلو پوڈولیاک نے بتایا کہ دونوں فریقین نے متعدد معاملات اور ان کے حل کے لیے گفتگو کی۔

روسی صدر کے معاون ولادیمیر میڈنسکی نے تصدیق کی کہ دونوں وفود نے ایسے نکات تلاش کیے جن پر مشترکہ اتفاق رائے پیدا کی جاسکتی ہے۔دونوں وفود کے درمیان پانچ گھنٹے تک مذاکرات ہوئے۔دونوں ممالک کے درمیان مذاکرات کی دوسری نشست جلد بیلاروس اور پولینڈ کی سرحد پر ہوگی۔

This website uses cookies to improve your experience. We'll assume you're ok with this, but you can opt-out if you wish. Accept Read More