مودی سرکار سے پورے خطے کو خطرات لاحق ہیں، عارف علوی

اسلام آباد: صدر مملکت ڈاکٹر عارف علوی سے آزاد جموں و کشمیر کے ہم منصب سلطان محمود چوہدری نے ملاقات کی جس میں کشمیر کی ترقی ، مجموعی صورتحال اور مسئلہ کشمیر پر تبادلہ خیال کیاگیا ۔

صدر مملکت ڈاکٹر عارف علوی اور صدر آزاد جموں و کشمیر سلطان محمود چوہدری کے درمیان ملاقات مسئلہ کشمیر پر تبادلہ خیال کیا گیا ۔ اس موقع پر عارف علوی کا کہنا تھا کہ اقوام متحدہ کی قراردادوں کے مطابق مسئلہ کشمیر کا حل ہی خطے میں امن کا ضامن ہے۔پاکستان کشمیریوں کے حق خود ارادیت کے حصول تک کشمیریوں کی حمایت جاری رکھے گا ۔

صدر مملکت نے کہا کہ پاکستان نے 5 اگست 2019 کے بھارتی یکطرفہ اقدامات کو یکسر مسترد کیا ۔پاکستان مسئلہ کشمیر کو ہر فورم پر موثر انداز میں اجاگر کررہا ہے ۔ بھارت کشمیریوں پر ظلم و ستم کے پہاڑ توڑ رہا ہے ۔

عارف علوی کا کہنا تھا کہ مودی کی انتہا پسند اور مسلم مخالف حکومت سے پورے خطے کو خطرات لاحق ہیں ۔ بھارت میں اقلیتوں بالخصوص مسلمانوں کے ساتھ غیر انسانی سلوک کر رہا ہے ۔بھارت میں مسلمانوں کے ثقافتی ورثے کو مٹایا جارہا ہے۔

صدر مملکت نے مزید کہا کہ حکومت ملک میں سیاحت کے فروغ پر خصوصی توجہ دے رہی ہے۔حکومت آزاد جموں و کشمیر کی اقتصادی ترقی ، مسئلہ کشمیر کے حل کیلئے پر عزم ہیں۔آزاد جموں و کشمیر میں سیاحت کے بے پناہ مواقع موجود ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More