چینی کی قیمت 43 روپے کم ہوگئی ہے، فواد چوہدری کا دعویٰ

اسلام آباد: وفاقی وزیر اطلاعات و نشریات فواد چوہدری نے دعویٰ کیا ہے کہ چینی کی قیمت میں پانچ نہیں دس روپے نہیں بلکہ 43 روپے تک کمی آگئی ہے۔

وفاقی وزیر اطلاعات و نشریات فواد چوہدری نے ٹوئٹر پیغام میں دعویٰ کیا ہے کہ چینی کی قیمت میں 43 روپے کی کمی آچکی ہے تاہم میڈیا پر خبر نہیں آئی ۔ وفاقی وزیر نے الزام عائد کیا کہ میڈیا چوبیس گھنٹے صرف سازشوں اور غیر مستحکم ہونے کی نوید پر ہی چلتا ہے۔

وفاقی وزیر اطلاعات و نشریات نے کہا کہ منفی میڈیا کا جعلی خبروں کے ساتھ ربط ملک کیلئے انتہائی خطرناک ہے جس کے لیے نئے قوانین ضروری ہیں۔ فواد چوہدری نے کہا کہ چھیالیس ارب کا جرمانہ شوگر ملز پر مسابقتی کمیشن نے کیا ہےاور شوگر ملز والے حکم امتناعی لے کر بیٹھے ہیں اب عدالتوں سے گزارش ہے کہ ان مقدمات پر جلد فیصلے کریں۔

This website uses cookies to improve your experience. We'll assume you're ok with this, but you can opt-out if you wish. Accept Read More