پی آئی اے کا لیز پر لیا گیا طیارہ اسلام آباد پہنچ گیا

کراچی: پاکستان کی قومی ایئر لائن پی آئی اے کی جانب سے ڈرائی لیز پر حاصل کیا گیا دوسرا طیارہ اسلام آباد پہنچ گیا ۔ایئربیس 320 طیارہ چھے سال کی لیز پر حاصل کیا گیا۔طیارہ فرانس کے شہر پرپیگنن براستہ مصر اسلام آباد پہنچا ہے۔

پاکستان ایئر انٹرنیشنل کا رواں سال میں ڈرائی لیز پر حاصل کیا گیا دوسرا طیارہ اسلام آباد پہنچ گیا ۔اے 320 طیارہ آئندہ چند روز میں پی آئی اے کے فضائی بیڑے میں باضابطہ طور پر شامل کر ہو جائے گا ۔قومی ایئرلائن نے تین ہفتے قبل بھی ڈرائی لیز پر ایک طیارہ حاصل کیا تھا جو کہ آپریشن کا حصہ بن چکا ہے ۔

اس طیارے کی شمولیت سے پی آئی اے بیڑے میں ائیر بس 320 طیاروں کی مجموعی تعداد 11 ہوگئی ۔موجودہ انتظامیہ کے دور میں یہ تیسرا طیارہ ہوگا جو کہ پی آئی اے کے بیڑے کا حصہ بنا ۔بزنس پلان کے مطابق مزید طیارے پی آئی اے کے بیڑے کا حصہ بنیں گے ۔

سی ای او پی آئی اے ائیر مارشل ارشد ملک نے طیاروں کے حصول میں تعاون کیلئےوزیر ہوابازی اور وزارت خزانہ کا شکریہ ادا کیا ۔ ائیر مارشل ارشد ملک کا کہنا ہے کہ نئے اور بہتر طیاروں کے حصول سے پی آئی اے کے پروڈکٹ میں خاطر خواہ اضافہ ہوگا ۔پی آئی اے نے حالیہ دونوں میں آپریشن اور سیفٹی کے تمام بین الاقوامی معیار میں بہتری حاصل کی ہے ۔

This website uses cookies to improve your experience. We'll assume you're ok with this, but you can opt-out if you wish. Accept Read More