عالمی برداری مقدس ہستیوں کے احترام پر متفقہ حکمت عملی اختیار کرے، مریم اورنگزیب

اسلام آباد: وفاقی وزیراطلاعات و نشریات مریم اورنگزیب نے کہاہے کہ اسپیکر کےناموس رسالت (ص) کے معاملے پر قومی اسمبلی میں بحث کرانے کے فیصلے کا خیر مقدم کرتے ہیں قومی اسمبلی عوام کے جذبات واحساسات کی ترجمانی کرے گی۔

وزیر اطلاعات مریم اورنگزیب نے اپنے بیان میں کہا کہ ناموس رسالت مآب (ص) کے لئے پوری امت مسلمہ متحد ہے، پورا پاکستان اس مسلئے پر ایک آواز ہے ، امت مسلمہ کو مل کر گستاخوں اور بدزبانوں کے خلاف اقدامات کرنے ہوں گے ۔

وزیر اطلاعات مریم اورنگزیب نے کہاکہ عالمی برداری اور خاص کر اقوام متحدہ بین المذاھب ہم آہنگی اور مقدس ہستیوں کے احترام پر متفقہ حکمت عملی اختیار کرے، حرمت رسول (ص) پر جان بھی قربان ہے، یہ ہمارے ایمان کا حصہ ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More