اسٹاک ایکسچینج میں مندی معاشی پالیسیوں پرعدم اعتماد کا ثبوت ہے، شہبازشریف

لاہور: مسلم لیگ نون کے صدر شہباز شریف کا کہنا ہے کہ اسٹاک ایکسچینج میں مندی سرمایہ کاروں کے معاشی پالیسیوں پرعدم اعتماد کا ثبوت ہے ۔

قومی اسمبلی میں قائد حزب اختلاف شہباز شریف نے اسٹاک مارکیٹ کریش کر جانے کے حوالے سے اپنے ایک بیان میں کہا ہے کہ اسٹاک ایکس چینج میں مندی معاشی پالیسیوں پرعدم اعتماد کاثبوت ہے ۔ سرمایہ کاروں کے اربوں روپے ڈوبنے کے ذمہ دار عمران نیازی ہیں۔

نون لیگی صدر نے کہا کہ یہ ڈگر برقرار رہی تو ملک کا کیا ہوگا؟۔ اس تباہی کو روکنا قومی سلامتی کا تقاضا بن گیا ۔ اپوزیشن لیڈر نے مزید کہا کہ پی ٹی آئی حکومت کا آنے والا منی بجٹ قومی معیشت کے تابوت میں آخری کیل ثابت ہوگا۔ اسے کسی صورت منظور نہیں ہونے دیں گے۔

This website uses cookies to improve your experience. We'll assume you're ok with this, but you can opt-out if you wish. Accept Read More