پٹرول پمپ مالکان کے مطالبات ناجائز اور نا قابل تسلیم ہیں، حماد اظہر

اسلام آباد: وفاقی وزیر برائے توانائی حماد اظہر کا کہنا ہے کہ چند کمپنیوں کو نوازنے کے لئے پٹرولیم مصنوعات کی قیمتوں میں 9 روپے کا اضافہ نہیں کیا جا سکتا ہے ۔ پٹرولیم ڈیلرز ایسوسی ایشن کے ناجائز مطالبات تسلیم نہیں کریں گے۔

وفاقی وزیر برائے توانائی حماد اظہر نے پٹرولیم ڈیلرز ایسوسی ایشن کی ہڑتال کے حوالے سے اپنے ردعمل دیتے ہوئے کہا ہے کہ پیٹرول پمپس کی ہڑتال کی آڑ میں کچھ گروپس 9روپے فی لیٹر کا اضافہ کروانا چاہتے ہیں مگر چند کمپنیوں کو نوازنے کے لئے نو روپے کا اضافہ نہیں کیا جا سکتا ہے ۔

انہوں نے کہا کہ پٹرولیم ڈیلرز ایسوسی ایشن کے تمام جائز مطالبات مانیں گے تاہم ناجائز مطالبات تسلیم نہیں کریں گے۔ پٹرولیم ڈیلرز ایسوسی ایشن کے مطالبہ پر مارجن میں اضافے کی سمری پہلے ہی ای سی سی میں پیش کر دی گئی ہے جس آئندہ اجلاس میں اس کا فیصلہ ہو جائے گا ۔

حماد اظہرنے کہا کہ پٹرول پمپ مالکان کی مشکلات کا احساس ہے۔ پٹرول پمپ مالکان عوام کی مشکلات کا احساس کرتے ہوئے اپنے فیصلے پر نظرثانی کریں۔

This website uses cookies to improve your experience. We'll assume you're ok with this, but you can opt-out if you wish. Accept Read More