دہشت گردوں کی سیکیورٹی فورسز پر فائرنگ، 2 جوان شہید 4 دہشتگرد ہلاک

اسلام آباد: ضلع باجوڑ کے علاقے بلورو میں سیکیورٹی فورسز اور دہشتگردوں میں فائرنگ کے تبادے میں چار دہشتگرد ہلاک جبکہ فائرنگ کے تبادلے میں نائب صوبیدار اشتیاق اور سپاہی کامران شہید ہو گئے۔ دہشتگردوں کی فائرنگ سے تین معصوم شہری بھی شہید ہو گئے۔

آئی ایس پی آر کے مطابق ضلع باجوڑ کے علاقے بلورو میں دہشتگردوں نے سیکیورٹی فورسز پر فائرنگ کی۔ فورسز کی جانب سے بروقت اور منہ توڑ جوابی کارروائی میں چار دہشتگرد ہلاک ہو گئے۔ ہلاک دہشتگردوں سے بھاری مقدار میں ہتھیار اور ایمونیشن بر آمد ہوا۔

آئی ایس پی آر کے مطابق فائرنگ کے تبادلے میں پاک فوج کے نائب صوبیدار اشتیاق اور سپاہی کامران شہید ہو گئے۔ شہید ہونے والے 44 سالہ نائب صوبیدار اشتیاق کا تعلق نوشہرہ اور 21 سالہ سپاہی کامران کا تعلق ضلع اورکزئی سے ہے۔ دہشتگردوں کی فائرنگ سے تین معصوم شہری بھی شہید ہو ئے جن میں عصمت، الحام اور بہادر شامل ہیں۔

آئی ایس پی آر کے مطابق پاک فوج دہشتگردی کی لعنت کے خاتمے کے لیے پرعزم ہے۔ ہمارے بہادر جوانوں، معصوم شہریوں کی قربانیاں ہمارا عزم مزید مضبوط کرتی ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More