امریکا میں خوفناک بگولوں نے تباہی مچادی، حادثات میں 84 افراد ہلاک

واشنگٹن: امریکا کی چھ ریاستوں میں 30 سے زائد خوفناک بگولوں نے تباہی مچادی ۔مختلف حادثات میں 84 افراد ہلاک جبکہ سینکڑوں زخمی ہوگئے ۔

امریکی ریاستوں کینٹکی، میسوری ، ٹینیسی، آرکنساس میں تیز رفتار ہواؤں نے درجنوں عمارتوں کو تنکوں کی طرح بکھیر کر رکھ دیا۔ ہر طرف عمارتوں کے ملبے اور ٹوٹی پھوٹی اشیا کے انبار لگ گئے ۔

خوفناک ہوائی بگولوں نے بجلی اور ٹریفک کا نظام درہم برہم کردیا ۔ ریسکیو حکام کے مطابق۔ صرف کینٹکی میں ستر اموات رپورٹ ہوئی جبکہ ہلاکتوں میں مزید اضافے کا خدشہ ہے ۔

امریکی صدر جو بائیڈن نے تباہی کو ناقابل تصور قرار دے دیا۔ بائیدن نے متاثرہ افراد کے لیے مالی امداد کا اعلان بھی کیا ہے ۔

This website uses cookies to improve your experience. We'll assume you're ok with this, but you can opt-out if you wish. Accept Read More