جائیداد کے نئے ریٹس کے تحت ٹیکس وصولی 28 فروری تک موخر

اسلام آباد: حکومت نے غیر منقولہ جائیداد کی خرید وفروخت کے نئے ریٹس کے تحت ٹیکس وصولی کو 28 فروری تک موخر کر دیا ہے۔پراپرٹی کی سرکاری اور نجی ویلیو ایشن پر اتفاق ہونے کے بعد نئے ریٹس کا اطلاق ہو گا۔

حکومت نے غیر منقولہ جائیداد کی خرید وفروخت نئے ریٹس کے تحت ٹیکس وصولی کو 28 فروری تک موخر کر دیا۔ایف بی آر نے پراپرٹی ریٹس سے متعلق ایس آر او کو 28 فروری تک موخر کرنے کا سرکلر جاری کر دیا ۔ ایف بی آر کے سرکلر کے مطابق نئے مارکیٹ ریٹس کے تحت ٹیکس وصولی کا نوٹیفکیشن یکم مارچ کو جاری کیا جائے گا ۔

ایف بی آر نے 16 دسمبر سے نئے مارکیٹ ریٹس کے تحت ٹیکس وصولی کا نوٹیفکیشن جاری کیا تھا ۔رئیل اسٹیٹ سیکٹر کی مخالفت کے باعث حکومت نے ایس آر کے اطلاق کو 31 جنوری تک موخر کر دیا تھا۔ رئیل اسٹیٹ سیکٹر نے مختلف علاقوں کے ایف بی آر کے ساتھ نئے مارکیٹ ریٹس طے نہ ہونے تک نئے ٹیکس ریٹ موخر کرنے کا مطالبہ کیا تھا ۔

This website uses cookies to improve your experience. We'll assume you're ok with this, but you can opt-out if you wish. Accept Read More