پنجاب میں سیاحتی مقامات کو پروموٹ کرنے کیلئے اقدامات کر رہے ہیں، حسان خاور

لاہور: وزیر اعلیٰ پنجاب کے معاون خصوصی حسان خاور کا کہنا ہے کہ حکومت صوبے میں سیاحت کے فروغ کے لیے عملی اقدامات کرنے جا رہی ہے۔پرانے سیاحتی مقامات کو محفوظ بنانے کے ساتھ ساتھ نئے مقامات کی دریافت پر بھی کام جاری ہے۔

لاہور میں میڈیا نمائندوں سے گفتگو کرتے ہوئے ترجمان حکومت پنجاب حسان خاور کا کہنا تھا کہ پاکستان میں سیاحت کے حوالے سے بے شمار مقامات موجود ہیں جن کو پرموٹ کرنے کے لیے عملی اقدامات کر رہے ہیں۔ پنجاب میں سیاحت کے فروغ کے لیے نئے مقامات کی تلاش اور تعمیر و مرمت کا کام جاری ہے ۔

حسان خاور کا کہنا تھا کہ ملک میں مہنگائی بڑھ رہی ہے جس کو کم کرنے کے لیے حکومت کام کر رہی ہے۔ لیکن سیاحت کو بھی نظر انداز نہیں کیا جا سکتا۔ حکومت پنجاب تاریخی مقامات کی سیاحت کے ساتھ ساتھ ایگریکلچرل، صوفیانہ اور فوڈ ٹورزم کو فروغ دینے کے لیے بھی اقدامات کر رہی ہے جس سے نہ صرف ملکی معیشت بہتر ہو گی بلکہ لوگوں کو روز گار بھی ملے گا۔

This website uses cookies to improve your experience. We'll assume you're ok with this, but you can opt-out if you wish. Accept Read More