سوئی سدرن نے سندھ اور بلوچستان کی صنعتوں کو گیس کی فراہمی معطل کردی

کراچی: سوئی سدرن نے سندھ اور بلوچستان کے گھریلو صارفین کو گیس کی فراہمی یقینی بنانے کےلئے دونوں صوبوں کی غیربرآمدی صنعتوں کو گیس کی فراہمی معطل کردی ۔

سوئی سدرن نے سندھ اور بلوچستان کی غیر برآمدی صنعتوں کو گیس کی سپلائی منقطع کردی ۔ ایسی تمام صنعتوں کو گیس کی فراہمی گیارہ دسمبر سے اگلے احکامات تک بند رہے گی ۔ تاہم زیرو ریٹڈ ایکسپورٹ انڈسٹری بشمول اسکے کیپٹیو پاور پلانٹس اور فرٹیلائزر سیکٹر کو گیس کی فراہمی جاری رہے گی۔

صنعتوں کو گیس کی سپلائی منقطع ہونے سے حاصل گیس کو گھریلو صارفین کو فراہم کیا جائے گا تاکہ وہ سردیوں کے موسم کے تناظر میں اپنی گیس کے بڑھتی ہوئی ضروریات کو پورا کر سکیں۔ بلوچستان میں انسانی جانوں کی بقا کے لیے اضافی گیس کی فراہمی ناگزیر ہے جنہیں انتہائی کم درجہ حرارت میں گیس کے مختلف آلات کے ذریعے خود کو گرم رکھنے کی شدید ضرورت ہوتی ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More