شاہ محمود قریشی کی بھارت میں ٹریڈ منسٹر تعیناتی کی مذمت

اسلام آباد: سابق وزیر خارجہ شاہ محمود قریشی نے حکومت کی جانب سے بھارت میں ٹریڈ منسٹر تعینات کرنے کے فیصلے کی مذمت کی ہے۔

تحریک انصاف کے رہنما شاہ محمود قریشی نے بھارت میں ٹریڈ منسٹر تعینات کرنے کے فیصلے کی مذمت کرتے ہوئے حکومت سے فیصلے پر نظرثانی کا مطالبہ کردیا ۔ شاہ محمود قریشی کا کہنا ہے کہ شہبازحکومت کےاس اقدام سے کشمیریوں کی دل آزاری ہوئی۔

انہوں نے کہا کہ ٹریڈمنسٹرتعیناتی کےفیصلےپربلاول بھٹو کی خاموشی معنی خیز ہے۔ بلاول بھٹو کس سے خائف ہیں کہ کچھ بول نہیں رہے ۔ انہوں نے کہا کہ بھارت نے دریائے چناب پر ہائیڈروپاور بنانے کا فیصلہ کیا ہے جس کی وجہ سے سندھ اور جنوبی پنجاب کا کسان سراپا احتجاج ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More