سندھ ہاؤس پر دھاوا، وزارت داخلہ کا اعلیٰ سطح پر تحقیقات کا حکم

اسلام آباد: سندھ ہاؤس واقعے پر وزارت داخلہ نے اعلیٰ سطح انکوائری کا حکم جاری کرتے ہوئے 3 روز میں انکوائری رپورٹ جمع کرانے کی ہدایت کی ہے۔

سندھ ہاؤس واقعے پر وزارت داخلہ نے اعلیٰ سطح پر انکوائری کا حکم دیتے ہوئے ڈی آئی جی آپریشنز اویس احمد کو انکوائری کمیٹی کا سربراہ مقرر کیا ہے۔

ذرائع کے مطابق انکوائری ان نکات پر کی جائیگی کہ وزرا کی کال کے بغیر کارکنان وہاں کیسے پہنچے۔ سندھ ہاؤس کے باہر احتجاج کرنے والے کارکنوں کو منتشر کردیا گیا تھا ۔ تو وہ دوبارہ وہاں کیسے پہنچے۔ انکوائری میں یہ بھی معلوم کیا جائے گا کہ ہائی سیکیورٹی زون میں 2 مرتبہ کارکنان کے پہنچنے پر پولیس کہاں تھی؟ اور اس نے کارکنان کو سندھ ہاؤس پہنچنے پرروکا کیوں نہیں۔

ذرائع کے مطابق پولیس سے پوچھا جائے گا کہ اس نے جے یو آئی کارکنوں کو روک لیا تو پی ٹی آئی کارکنوں کو کیوں نہیں روکا؟

This website uses cookies to improve your experience. We'll assume you're ok with this, but you can opt-out if you wish. Accept Read More