پاکستان کواس چیلنج سےنمٹنےکیلئےعالمی برادری کی مددکی ضرورت ہے، شہباز شریف

وزیراعظم میاں شہباز شریف نے کہا ہے کہ سیکریٹری جنرل اقوام متحدہ کی سیلاب متاثرین کی بےمثال معاونت پر مشکور ہیں، پاکستان کواس چیلنج سےنمٹنےکیلئےعالمی برادری کی مددکی ضرورت ہے۔

سماجی رابطے کی ویب سائٹ ٹویٹر پر اپنے پیغام میں وزیراعظم کا کہنا تھا کہ سیکرٹری جنرل اقوام متحدہ سیلاب سے بڑے پیمانے پر تباہی سے دلی طور پر رنجیدہ ہیں، انتونیو گوتریس سیلاب متاثرین کی آواز بن کر ابھرے ہیں۔

وزیراعظم نے مزید کہا کہ انتونیو گوتریس کا دورہ سیلاب سے جنم لینے والے انسانی المیے سے متعلق آگاہی کے لیے اہم ہے، اقوام متحدہ کے سیکرٹری جنرل کے ہمدردانہ اور قائدانہ کردار نے بے حد متاثر کیا جبکہ پاکستان کو اس چیلنج سے نمٹنے کے لیے عالمی برادری کی مدد کی ضرورت ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More