پاکستان کو اتنا نقصان بھارت اور اسرائیل سے نہیں ہوا جتنا عمران پہنچا رہے ہیں، شرجیل میمن

وزیر اطلاعات شرجیل انعام میمن کہتے ہیں پاکستان کو اتنا نقصان بھارت اور اسرائیل نے نہیں پہنچایا جتنا عمران خان پہنچا رہے ہیں۔ تمام اداروں سے اپیل کرتا ہوں سوشل میڈیا پر جعلی تصویر وائرل کرکے سازش کرنے والوں کے خلاف کارروائی کی جائے۔

وزیر اطلاعات شرجیل انعام میمن نے پریس کانفرنس کرتے ہوئے کہا اس وقت ملک حالت جنگ میں ہے لیکن ایک جانب سے بین الاقوامی کمیونٹی کو میسج دے رہے ہیں پاکستان کو امداد نہ دیں۔ ایک جعلی تصویر سوشل میڈیا پر وائرل کی گئی جو کہ پرانی اور بھارت کی ہے۔ ایسی گری ہوئی حرکتوں سے سیلاب متاثرین کو نقصان پہنچایا جارہا ہے۔

شرجیل انعام میمن نے کہا سندھ حکومت نے گندم کی قیمت 4000 روپے من مقرر کردی ہے۔پہلے یہ قیمت 2000 روپے من تھی کل کابینہ میں اسکا فیصلہ کیا گیا ہے۔ قیمت ڈبل کرنےکا مقصد کسانوں کودوبارہ گندم کاشت کرنےمیں مدد فراہم کرنا ہے۔ وفاقی حکومت کی گندم کی قیمت 8 ہزار روپے ہے۔

شرجیل میمن کا مزید کہنا تھا کہ عمران خان کو ججز اگر پسند نہیں اور مخالف سیاست دان بھی پسند نہیں ملک حالت جنگ میں ہے اور آپ مدد کرنے کے بجائے مشکلات پیدا کررہے ہیں۔ رانا ثناء سے اپیل ہے کہ منفی مہم چلانے والوں کے خلاف کارروائی کریں۔

This website uses cookies to improve your experience. We'll assume you're ok with this, but you can opt-out if you wish. Accept Read More