پولیس کی بھرتیوں میں اضافہ کررہے ہیں،شیخ رشید

اسلام آباد: وفاقی وزیرِداخلہ شیخ رشید نے کہا ہے کہ جتنے مظاہرے ڈی چوک میں ایک ماہ میں ہوتے ہیں ہائیڈ پارک میں ایک سال میں نہیں ہوئے، اسلام آباد پولیس پر امن و امان قائم رکھنے کی زیادہ ذمہ داری ہے جو قومیں شہدا کو بھول جائیں وہ حوصلہ ہار جاتی ہیں، ہم شہدا کے لیے مزید پیکچ دے رہے ہیں، وزیر اعظم سے شہدا پیکچ پر بات کی ہیں، ملکی آباد ی تیزی سے بڑھ رہی ہے، پولیس کی بھرتیوں میں اضافہ کررہے ہیں۔

وزیرِداخلہ شیخ رشید نے پولیس لائنز اسلام آباد میں شوٹنگ مقابلے کی تقسیم انعامات تقریب میں شرکت کی اور نشانہ بازی میں نمایاں پوزیشن لینے والوں میں انعامات تقسیم کیئے۔ اسلام آباد پولیس نے مردوں اور عورتوں کے مقابلے میں اوّل پوزیشن حاصل کی۔

میڈیا سے گفتگو کرتے ہوئے شیخ رشید نے کہا جو قومیں شہدا کو بھول جائیں وہ حوصلہ ہار جاتی ہیں ، ملکی آباد ی تیزی سے بڑھ رہی ہے۔ دوہزار تیرہ میں آٹھ کروڑ ووٹ رجسٹرڈ تھے جو دوہزار اٹھارہ میں بڑھ کر دس کروڑ ہوگئے۔ شیخ رشید کے مطابق اب تک رجسٹرڈ ووٹوں کی تعداد بارہ کروڑ سے تجاوز کر چکی ہے۔

وزیر داخلہ نے کہا کہ جو حوصلہ ہار جاتا ہے وہ مقابلہ نہیں کرسکتا۔ پولیس کی بھرتیوں میں اضافے سمیت پولیس شہدا کے لیے مزید پیکچ فراہم کرنے کا ارادہ ہے۔ اس سلسلے میں وزیر اعظم سے مشاورت کی جارہی ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More