شاہد خاقان عباسی کی میاں چنوں واقعے کی شدید مذمت

اسلام آباد: پاکستان مسلم لیگ نون کے رہنما شاہد خاقان عباسی کی خانیوال میں مشتعل ہجوم کے ہاتھوں ایک شخص کی ہلاکت کی مذمت کرتےہوئے کہا ہے کہ اس طرح کے واقعات شرمناک ہی نہیں قابل فکر اور تشویشناک بھی ہیں۔

سابق وزیر اعظم شاہد خاقان عباسی نے میاں چنوں واقعے کی مذمت کرتے ہوئے کہا ہے کہ ملک میں قانون ہاتھ میں لینے اور جتھوں کے ہاتھوں قتل کرنے کے بڑھتے واقعات قابل مذمت ، شرمناک اور تشویشناک ہیں ۔ حکومت سماج میں بڑھتے انتشار پر موثر اقدامات کیا کرتی اسے اس معاملے کا شعور اور احساس تک نہیں ہے ۔

ان کا کہنا تھا کہ معاشرے کے تمام طبقات کو صورتحال کی سنگینی کا ادراک کرتے ہوئے جامع حکمت عملی تیار کرنا ہوگی ۔ سیالکوٹ سانحے کی طرح خانیوال کے واقعے کی تحقیقات کی جائیں۔ قانون ہاتھ میں لینے والوں کو سخت سزا دی جائے۔

This website uses cookies to improve your experience. We'll assume you're ok with this, but you can opt-out if you wish. Accept Read More