وزیراعظم شہباز شریف31مئی سے ترکی کا دورہ کریں گے

اسلام آباد: وزیراعظم شہباز شریف اکتیس مئی سے دو جون تک ترکی کا دورہ کریں گے۔وزیر اطلاعات مریم اورنگزیب نے ٹوئٹ میں بتایا کہ وزیراعظم کا ترکی کا دورہ پاکستان کے روایتی بااعتماد دوستوں اور برادر ممالک سے دوطرفہ تعلقات کی تجدید کے سلسلے کی کڑی ہے، صدر رجب طیب اردوان کے ہمراہ وزیراعظم ترکی اور پاکستان کے سفارتی تعلقات کے قیام کے پچھہتر سال مکمل ہونے کے موقع پر یادگاری نشان جاری کریں گے۔

صدر اردوان وزیراعظم کے اعزاز میں عشائیہ بھی دیں گے ،، مریم اورنگزیب نے کہا کہ یہ دورہ دونوں ممالک کے درمیان تعلقات کے فروغ کے علاوہ سرمایہ کاری، تجارت، صحت، تعلیم، ثقافت اور باہمی مفاد کے دیگر شعبہ جات میں تعاون کے حوالے سے بھی اہم ہے۔ پاک ترکی بزنس کونسل کا اجلاس، ترک سرمایہ کاروں اور تاجروں سے ملاقاتیں بھی ہوں گی۔

This website uses cookies to improve your experience. We'll assume you're ok with this, but you can opt-out if you wish. Accept Read More