سندھ اور خیبرپختونخوا کے مختلف اضلاع میں زلزلے کے شدید جھٹکے

کراچی: سندھ اور خیبرپختونخوا کے مختلف اضلاع زلزلے کے شدید جھٹکوں سے لرز اٹھے۔سندھ میں صبح 5:30 بجے حیدرآباد، ٹھٹھہ، جامشورو، کوٹری، نوری آباد، سہون میں زلزلے کے شدید جھٹکے محسوس کیے گئے۔

سندھ اورخیبرپختونخوا کے مختلف اضلاع میں زلزلے کے جھٹکے محسوس کیے گئے۔ سندھ میں حیدرآباد، ٹھٹھہ، جامشورو، کوٹری، نوری آباد، سہون میں زلزلے کے شدید جھٹکے محسوس کیے گئے جن کا مرکزکینجھرجھیل سے40کلومیٹردورشمال مغرب میں تھا جبکہ اس کی گہرائی30کلومیٹر اور ریکٹراسکیل پرشدت3.3ریکارڈ کی گئی ہے۔

دوسری جانب خیبر پختونخوا میں سوات، سیدوشریف، شانگلہ، بونیر، لوئردیر، اپردیر، چترال، مالاکنڈ اور بشام میں بھی زلزلے کے جھٹکے محسوس کیے گئے ۔زلزلہ پیمامرکز کے مطابق زلزلے کا مرکزکوہ ہندوکش، گہرائی130کلومیٹر اور شدت3.8ریکارڈ کی گئی۔

ریسکیو ذرائع کا کہنا ہے کہ خیبر پختونخوا کے بالائی علاقوں میں زلزلے کے جھٹکے سوات، دیر، چترال میں محسوس کیے گئے، زلزلے کی شدت کم ہونے سے کوئی جانی و مالی نقصان کی اطلاع نہیں ملی۔

This website uses cookies to improve your experience. We'll assume you're ok with this, but you can opt-out if you wish. Accept Read More