سینیٹرکامران مرتضیٰ کاحکومت اور ٹی ایل پی معاہدے پر سینیٹ میں بحث کا مطالبہ

اسلام آباد: حکومت اور تحریک لبیک کے درمیان معاہدے کا معاملہ ایوان بالا تک پہنچ گیا ہے۔جمعیت علمائےاسلام کے سینیٹر کامران مرتضی نے سینٹ میں معاہدے سے متعلق قرارداد جمع کروادی ہے۔

جمعیت علمائےاسلام ف کے سینیٹر کامران مرتضی نے حکومت اور تحریک لبیک کے درمیان معاہدے کے حوالے سے سینٹ میں قرارداد جمع کروادی ہے ۔ قرارداد میں کہا گیا ہے کہ حکومت اور تحریک لبیک کے درمیان کن شرائط پر معاہدہ ہوا؟

ایوان بالا میں جمع کروائی گئی قرارداد میں کہا گیا کہ حکومت اور تحریک لبیک کے درمیان ہونے والے معاہدے پر سینٹ میں بحث کرائی جائے۔ سینیٹر کامران مرتضی کا کہنا ہے کہ حکومت معاہدے کرلیتی ہے جن پر عملدرآمد نہیں ہوتا ہے ۔ عملدرآمد نہ ہونے کی صورت میں قوم کو اذیت کا سامناکرنا پڑتا ہے ۔ اس تمام معاملے پر ایوان کو اعتماد میں لیا جائے۔

This website uses cookies to improve your experience. We'll assume you're ok with this, but you can opt-out if you wish. Accept Read More