اسٹیٹ بینک کی ٹریڈنگ ویب سائٹس اور ایپ سے محتاط رہنے کی ہدایت

کراچی: اسٹیٹ بینک پاکستان نے غیرقانونی آف شور فارن ایکسچینج ٹریڈنگ ویب سائٹس، موبائل ایپلی کیشنز اور پلیٹ فارمزکےخلاف ہدایت جاری کردیں۔

اسٹیٹ بینک نے غیرقانونی آف شور فارن ایکسچینج ٹریڈنگ ویب سائٹس، موبائل ایپلی کیشنز اور پلیٹ فارمز کے خلاف ہدایت جاری کرتے ہوئے کہا کہ ہے کہ ایسے پلیٹ فارمزکی ریگولیشن نہ تو اسٹیٹ بینک کرتا ہے اور نہ ایس ای سی پی اس لیے عوام کو ہدایت کی جاتی ہے کہ محتاط رہیں ۔

اسٹیٹ بینک نے ہدایت جاری کرتے ہوئے کہا ہے کہ ایسے پلیٹ فارمز کی مصنوعات اور خدمات خریدنے یا ان میں سرمایہ کاری کرنے سے گریز کریں ۔ایسی مصنوعات کی مثالوں میں فارن ایکسچینج ٹریڈنگ ، مارجن ٹریڈنگ ، کنٹریکٹ فار ڈفرینسز اور دیگر شامل ہیں ۔

آف شور فارن ایکسچینج ٹریڈنگ ویب سائٹس ، موبائل ایپلی کیشنز اور پلیٹ فارمز پاکستانی شہریوں کو مصنوعات اور خدمات فراہم کررہے ہیں۔ڈیجیٹل پلیٹ فارمز سوشل میڈیا اشتہارات کے ذریعے لوگوں کو اپنی مصنوعات اور خدمات خریدنے یا ان میں سرمایہ کاری کرنے پر آمادہ کرتے ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More