سعودی عرب نے پاکستان کی ترقی کیلئے ہمیشہ مدد کی، اسپیکر قومی اسمبلی

اسلام آباد: اسپیکر قومی اسمبلی اسد قیصر سے پاکستان میں تعینات سعودی سفیر نواف بن سعد المالکی نے ملاقات کی جس میں دوطرفہ تعلقات اور باہمی دلچسپی کے دیگر امور پر تبادلہ خیال کیا گیا ۔

قومی اسمبلی کے اسپیکر اسد قیصر اور پاکستان میں سعودی سفیر نواف بن سعد المالکی کی ملاقات کے دوران دوطرفہ تعلقات سمیت دیگر امور پر تبادلہ خیال کیا گیا ۔اس موقع پر گفتگو کرتے ہوئے اسد قیصر نے کہا کہ پاکستان سعودی عرب کے ساتھ اپنے خوشگوار برادرنہ تعلقات کو قدر کی نگاہ سے دیکھتا ہے۔

اسپیکر قومی اسمبلی کا کہنا تھا کہ پاکستان کا سعودی عرب کے ساتھ مذہب، احترام، عقیدت اور بھائی چارے کا رشتہ ہے۔ پاکستان کو سعودی عرب کےساتھ اپنی سدا بہار دوستی پرفخر ہے۔سعودی عرب نے پاکستان میں سماجی ترقی کے لیے ہمیشہ فراخ دالانہ مدد کی۔

اسد قیصر کا کہنا تھا کہ مسلم اُمہ کو درپیش چیلنجز کے لیے یکجہتی وقت کی اہم ضرورت ہے۔دونوں ممالک کی پارلیمانوں میں مسلسل رابطے دونوں برادر ممالک میں تعلقات کو مستحکم بنانے میں اہم کردار ادا کر رہے ہیں۔پاکستان اور سعودی عرب میں معاشی اور سماجی شعبوں میں دوطرفہ تعاون کو فروغ دینے کے لیے وسیع مواقع موجود ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More