سعد رفیق اور لیاقت بلوچ کے درمیان تحریک عدم اعتماد پرتبادلہ خیال

لاہور: مسلم لیگ نون کے مرکزی رہنما سابق وفاقی وزیر خواجہ سعد رفیق نے جماعت اسلامی کےمرکزی نائب امیر لیاقت بلوچ سے ان کی رہائش گاہ پر ملاقات کی جس میں ملکی سیاسی صورتحال،عدم اعتماد کی تحریک اورقومی اقتصادی حالات پرتبادلہ خیال کیا گیا۔

ن لیگی رہنما خواجہ سعد رفیق اور نائب امیر جماعت اسلامی لیاقت بلوچ کے درمیان ملاقات میں عمران خان کے خلاف تحریک عدم اعتماد پر گفتگو ہوئی ۔خواجہ سعد رفیق نے عدم اعتماد کی تحریک کیلئے سنجیدہ کوششوں سے آگاہی دی ۔

اس موقع پر جماعت اسلامی کے نائب امیر لیاقت بلوچ نے کہا کہ نااہل حکومت کو گھر بھیجنے کیلئے عدم اعتماد آئینی اور جمہوری راستہ ہے۔وزیراعظم عمران خان کیلئےابھی بھی راستہ موجود ہےاستعفی دیں۔عوام کوشفاف اورغیرجانبدارانہ انتخاب کاحق دیا جائے۔

This website uses cookies to improve your experience. We'll assume you're ok with this, but you can opt-out if you wish. Accept Read More