یوکرین پر روس کی بمباری جاری،نو افراد ہلاک

یوکرین پر روس کی بمباری تیرھویں روز بھی جاری۔ سومی شہر میں روسی گولہ باری کے باعث نو افراد ہلاک ہوگئے۔ جبکہ یوکرین نے ہیومین ٹیرین کوریڈور کی مذمت کی ہے۔

روسی افواج نے سومی شہر پر گولہ باری کی۔ یوکرینی حکام نے دعویٰ کیاکہ روسی گولہ باری سے نو افراد ہلاک ہوگئے۔
یوکرینی حکام کہنا تھا مذاکرات کے بعد روسی پیش رفت سست ہوئی ہے۔

روس نے یوکرین میں جنگ زدہ علاقوں میں پھنسے عام شہریوں کو نکالنے کے لیے ہیومینیٹیریئن راستوں کے قیام کی پیش کش کی ہے۔
کیف حکومت کا کہنا ہے کہ یہ روسی اعلان فقط دکھاوا ہے۔ اور عام شہری متاثرہ علاقوں سے نکل نہیں پائیں گے۔

یوکرین کی ان راہداریوں کی مذمت کی ایک وجہ یہ بھی ہے کہ یہ تمام راستے روس اور بیلاروس کی جانب جاتے ہیں۔ جبکہ حملہ آور روسی افواج مسلسل شلینگ بھی جاری رکھے ہوئے ہیں۔

فوجی کارروائی کے باعث یورپ میں مہاجرت کے حوالے سے دوسری عالمی جنگ کے بعد کا سب سے بڑا بحران پیدا ہو گیا ہے۔ جہاں اب تک پندرہ لاکھ سے زائد یوکرینی شہری ہمسایہ ممالک میں پناہ کے لیے پہنچ چکے ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More