آزادکشمیر میں برفباری کے بعد سڑکوں کی بحالی کا کام جاری

مظفرآباد: آزادکشمیر میں بارش اور برفباری کا سلسلہ تھم گیا ہے ۔ برفباری کا سلسلہ تھمنے کے بعد بند ہونیوالی سڑکوں کی بحالی کا کام جاری ہے ۔

آزادکشمیر میں بارش اور برفباری کا سلسلہ تھمنے کے بعد محکمہ شاہرات آزادکشمیر نے برفباری سے بند ہونیوالی سڑکوں کی بحالی کیلئے بھاری مشینری کی مدد سے برف ہٹانا شروع کر دی ۔

وادی لیپہ کو ہٹیاں سے ملانے والی شاہراہ کی بحالی کیلئے بھاری مشینری کی مدد سے برف ہٹائی جا رہی ہے۔ بالائی وادی نیلم میں شاہراہ کو برف ہٹا کر بحال کرنا شروع کر دیا گیا ہے

بالائی وادی نیلم کے علاقوں شاردہ، کیل، شونٹھر،گریس،سرگن، تاو بٹ کی رابطہ سڑکیں برفباری سے بند ہو گئی ہیں ۔ باغ آزادکشمیر میں سدھن گلی، لسڈنہ اور محمود گلی کی برفباری سے بند سڑکوں کی بحالی کیلئے بھاری مشینری کی مدد سے برف ہٹانے کا کام شروع کردیا گیا ہے ۔

This website uses cookies to improve your experience. We'll assume you're ok with this, but you can opt-out if you wish. Accept Read More