بلوچستان اسمبلی میں شیرانی کے جنگلات میں آتشزدگی سے متعلق قرار داد

کوئٹہ: بلوچستان اسمبلی میں ضلع شیرانی کے جنگلات میں لگنے والی آگ سے متعلق قرار داد منظور کر لی گئی۔ ڈپٹی اسپیکر سردار بابر موسی خیل کا کہنا تھا کہ کوہ سلیمان کے جنگلات میں لگی آگ سے لوگوں میں مایوسی پھیلی حکومت جتنا کرسکتی تھی اتنا کام کیا۔

بلوچستان اسمبلی کا اجلاس ایک گھنٹہ چالیس منٹ کی تاخیر سے ڈپٹی اسپیکر سردار بابر موسی خیل کی زیر صدارت شروع ہوا۔اجلاس میں اظہار خیال کرتے ہوئے صوبائی وزیر سردار عبدالرحمن کیتھران کا کہنا تھا کہ قدوس بزنجو کیخلاف تحریک عدم اعتماد پیش کرنے پر جام کمال کو مبارکباد پیش کرتا ہوں۔اخلاقی طور پر جام کمال کو عدم اعتماد پیش کرنے سے پہلے سوچنا چاہیے۔

اجلاس کے دوران ضلع شیرانی کی جنگلات میں لگنے والی آگ سے متعلق مشترکہ قرارداد ایوان میں پیش کی گئی قرارداد رکن اسمبلی نصراللہ زیرے نے پیش کی قرارداد کا متن تھا کہ کوہ سلیمان کی جنگلات میں دو ہفتوں تک آگ لگی رہی۔آگ کی وجہ سے عوام کو اربوں کا نقصان ہوگیا۔

ڈپٹی اسپیکر سردار بابر موسی خیل کا کہنا تھا کہ کوہ سلیمان کے جنگلات میں لگی آگ سے لوگوں میں مایوسی پھیلی ہےحکومت جتنا کرسکتی تھی اتنا کام کیا۔آگ کی وجہ سے لوگوں کی مشکلات میں بھی اضافہ ہوگیا ۔کوہ سلیمان کے جنگلات سے متعلق قرارداد ایوان نے متفقہ طور پر منظور کرلی۔ بلوچستان اسمبلی کا اجلاس 4 جون بروز ہفتہ سہ پہر 3 بجے تک ملتوی کردیا گیا۔

This website uses cookies to improve your experience. We'll assume you're ok with this, but you can opt-out if you wish. Accept Read More