کورونا کے مثبت کیسز کی شرح ساڑھے 3 فیصد ہوگئی، این سی او سی

اسلا م آباد: ملک بھر میں گزشتہ 24 گھنٹوں کے دوران ایک ہزار چھ سو انچاس افراد کورونا وائرس میں مبتلا ہوئے جبکہ تین افراد جان کی بازی ہار گئے ۔ کورونا کے تصدیق شدہ کیسز کی تعداد 13 لاکھ 5 ہزار 707 ہوگئی۔

نیشنل کمانڈ اینڈ آپریشن سینٹر کے اعداد و شمار کے مطابق گزشتہ 24 گھنٹوں کے دوران ملک میں کورونا کی تشخیص کے لیے 45 ہزار 2 ٹیسٹ کیے گئے جن میں سے 1649 افراد میں کورونا وائرس کی تصدیق ہوئی۔

پنجاب میں 4 لاکھ 48 ہزار 91، سندھ میں 4 لاکھ 87 ہزار 668، خیبر پختونخوا میں ایک لاکھ 81 ہزار 757، بلوچستان میں 33 ہزار 659، گلگت بلتستان میں 10 ہزار 432، اسلام آباد میں ایک لاکھ 9 ہزار 396 جبکہ آزاد کشمیر میں 34 ہزار 704 کیسز رپورٹ ہو چکے ہیں ۔

ملک بھر میں کورونا سے مزید 3 افراد انتقال کر گئے جس کے بعد اموات کی تعداد 28 ہزار 972 ہوگئی جبکہ اب بھی 617 مریضوں کی حالت تشویشناک ہے۔دوسر ی جانب 24 گھنٹوں کے دوران 330 افراد کورونا سے صحتیاب بھی ہوئے جس کے بعد ملک میں وبا سے شفایاب ہونے والے افراد کی تعداد 12 لاکھ 58 ہزار 987 ہو گئی ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More