پشاور سے قطر منشیات اسمگلنگ ناکام، ملزم گرفتار، چرس برآمد

پشاور: انسداد منشیات کے ادارے اینٹی نارکوٹکس فورس نے پشاور کے باچا خان انٹرنیشنل ائیرپورٹ پر کارروائی کرتے ہوئے بیرون ملک منشیات اسمگل کی کوشش ناکام بنا دی۔

ترجمان اے این ایف کے مطابق پشاور کے باچا خان انٹرنیشنل ائیرپورٹ پر کارروائی کے دوران وزیرستان کے رہائشی ارسلا خان نامی مسافر سے چرس برآمد کرلی گئی۔ملزم نے 554 گرام چرس ٹرالی بیگ میں مہارت سے چھپا رکھی تھی۔

ترجمان نے بتایا کہ ملزم پی آئی اے کی پرواز نمبر PK – 285 کے ذریعے دوحا کیلئے روانہ ہو رہا تھا۔ملزم کے خلاف انسدادِ منشیات ایکٹ کے تحت مقدمہ درج کر کے مزید تحقیقات کا آغاز کر دیا گیا ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More