پنجاب حکومت ضمنی انتخابات میں منظم دھاندلی کررہی ہے، فیاض الحسن چوہان

اسلام آباد: سابق وزیراعظم عمران خان کے میڈیا ایڈوائزر فیاض الحسن چوہان نےدعویٰ کیا ہے کہ پنجاب حکومت ضمنی انتخابات میں منظم دھاندلی کررہی ہے۔

نیوز کانفرنس کرتے ہوئے فیاض الحسن چوہان کا کہنا تھا کہ گزشتہ رات پی ٹی آئی کے امیدوار شبیر گجر کے دفتر پر حملہ کیا گیا۔ چوہدری خالد گجر کا بیٹا عادل گجر زندگی اور موت کی کشمکش میں ہے۔ پولیس ہمارا مقدمہ تک درج نہیں کررہی۔ ن لیگ صوبائی حکومت کی سرپرستی میں پری پول دھاندلی کررہی ہے۔

فیاض الحسن چوہان کا کہنا تھا کہ مریم نواز عدالتوں سے سزا یافتہ مجرمہ اور ضمانت پر ہیں۔ مریم نواز نے پاک فوج کے خلاف سب سے پہلے ڈان لیکس سے فتنہ کا آغازکیا۔ جب جواب دیا جاتا ہے تو عورت ہونے کے پیچھے چھپنے کی کوشش کی جاتی ہے۔

مریم اورنگزیب پر تنقید کرتے ہوئے ان کا کہنا تھا کہ مریم نواز کی ذاتی کنیزمریم اورنگزیب انتہائی گندی زبان استعمال کررہی ہیں۔ سیاست میں عزت کرو اور کراؤ کا اصول ہوتاہے۔

سابق صوبائی وزیر کا کہنا تھا کہ ضمنی انتخابات ن لیگ کیلئے زندگی اور موت کا مسئلہ بنا ہوا ہے انھیں معلوم ہے کہ اگر یہ چودہ نشتیں ہار گئے تو ان کی حکومت نہیں بچے گی۔

This website uses cookies to improve your experience. We'll assume you're ok with this, but you can opt-out if you wish. Accept Read More