نکاح نامے میں ختم نبوت کا حلف شامل کرنے کی قرارداد پنجاب اسمبلی میں منظور

لاہور: پنجاب اسمبلی نے نکاح نامے کے فارم میں ختم نبوت کا حلف شامل کرنے کی قرارداد متفقہ طور پر منظور کر لی۔

ایوان میں نشاط احمد ڈاہا اور پرویز ملک کے ایصال ثواب کے لیے فاتحہ خوانی بھی کی گئی۔مختصر کاروائی کے بعد اسپیکر نے پنجاب اسمبلی کا اجلاس کل صبح ساڑھے گیارہ بجے تک ملتوی کر دیا ۔

اپوزیشن کی ریکوزشن پر پنجاب اسمبلی کا اجلاس حسب معمول ایک گھنٹہ 51 منٹ کی تاخیر سے اسپیکر چوہدری پرویز الٰہی کی زیر صدارت ہوا۔لیگی رکن نشاط احمد ڈاہا کی وفات کے باعث اجلاس کی کاروائی مختصر کی گئی۔اجلاس میں نکاح نامے کے فارم میں ختم نبوت کا حلف شامل کرنے کی قرارداد متفقہ طور پر منظور کرلی گئی۔قرار داد مسلم لیگ ق کی خدیجہ عمر، نیسمہ چوہدری اور مسلم لیگ ن کے مولانا الیاس چنیوٹی کی جانب سے مشترکہ طور پر پیش کی گئی۔

اجلاس میں یونیورسٹی آف لاہور ترمیمی بل 2021، راشد لطیف خان یونیورسٹی بل 2021، دی پنجاب کیمونٹی سیفٹی میرز ان سپورٹس اینڈ ہیلتھ کلبز اور دی یونیورسٹی آف منیجمنٹ اینڈ ٹیکنالوجی لاہور 2021 بل ایوان میں متعارف کروا دئیے گئے ۔

This website uses cookies to improve your experience. We'll assume you're ok with this, but you can opt-out if you wish. Accept Read More