وزیراعظم کی گیس کے ذخائر کی تلاش کے لائسنس جلد جاری کرنے کی ہدایت

اسلام آباد: وزیراعظم عمران خان نے مقامی گیس کے ذخائر تلاش کرنے کے لائسنس کے اجراء کے عمل کو تیز کرنے کا حکم دیدیا۔

وزیراعظم عمران خان کی زیر صدارت اجلاس ہوا جس میں پاکستان میں گیس کی صورتحال کا جائزہ لیاگیا۔ شرکاء اجلاس کو ملک میں گیس کے ذخائر،طلب و رسد، شارٹ فال اور ایل این جی کی درآمد پر بریفنگ دی گئی۔

بریفنگ میں بتایاگیا کہ ملک میں گیس کی موجودہ طلب چار ہزار سات سو ایم ایم سی ایف ڈی ہے جو کہ سردیوں میں بڑھ کر چھ ہزار ایم ایم سی ایف ڈی تک پہنچ جاتی ہے۔ بریفنگ میں بتایاگیاکہ موجودہ ملکی سپلائی تین ہزار تین سو ایم ایم سی ایف ڈی ہے جو ہر سال کم ہو رہی ہے۔گیس کی کمی کو ایل این جی درآمد کرکے پورا کرنا ہوگا۔

وزیراعظم نے اجلاس سے خطاب میں کہاکہ مقامی گیس کے ذخائر تلاش کرنے کے لائسنس کے اجراء کے عمل کو تیز کیا جائے۔ مقامی گیس ایندھن کا سب سے سستا ذریعہ ہے۔ وزیراعظم نے کہاکہ طے شدہ ٹائم لائنز میں مزید تاخیر کیے بغیر اس پر عملدرآمد کو یقینی بنایا جائے۔

This website uses cookies to improve your experience. We'll assume you're ok with this, but you can opt-out if you wish. Accept Read More