وزیراعظم 3 فروری کو بیجنگ کا دورہ کریں گے، ترجمان دفتر خارجہ

اسلام آباد: دفتر خارجہ کے ترجمان عاصم افتحار کا کہنا ہے کہ وزیراعظم عمران خان چینی قیادت کی دعوت پرفروری کے پہلے ہفتے بیجنگ کا دورہ کریں گے جہاں وہ ونٹر اولمپکس کی افتتاحی تقریب میں شر یک ہونگے ۔

وزارت خارجہ میں پریس بریفنگ دیتے ہوئے ترجمان دفتر خارجہ عاصم افتخار کا کہنا تھا کہ وزیر اعظم عمران خان چینی قیادت کی دعوت پر تین فروری کو بیجنگ جائیں گے۔وزیر اعظم اعلیٰ چینی قیادت کے ساتھ ملاقاتوں میں پاکستان اور چین کے مابین سی پیک سمیت تمام امور پر گفتگو کریں گے۔

کشمیر میں بھارت بھارتی افواج کے حوالے سے ترجما ن دفتر خارجہ نے کہا ہے کہ بھارتی قابض افواج کی مقبوضہ جموں و کشمیر میں ریاستی دہشتگردی کاسلسلہ جاری ہے۔بھارت ایک بار پھر فالس فلیگ آپریشن کا ڈرامہ رچاسکتا ہے اس حوالے سے پاکستان نے اپنے دوست ممالک کو آگاہ کردیا ہے۔ترجمان دفتر خارجہ عاصم افتخار نے عالمی برادری بھارتی عزائم کا نوٹس لے ۔

This website uses cookies to improve your experience. We'll assume you're ok with this, but you can opt-out if you wish. Accept Read More