وزیراعظم وفاقی وزراء کے ہمراہ 2 روزہ دورے پر ماسکو روانہ

اسلام آباد: وزیراعظم عمران خان وفاقی وزراء کے ہمراہ 2 روزہ سرکاری دورے پر ماسکو روانہ ہوگئے۔

وزیراعظم عمران خان روس کے 2 روزہ سرکاری دورے پر ماسکو روانہ ہوگئے۔وزیر اعظم عمران خان کے ہمراہ وزیر خارجہ شاہ محمود قریشی، وفاقی وزیر اطلاعات فواد چوہدری، وفاقی وزیر منصوبہ بندی اسد عمر اور حماد اظہر بھی موجود ہیں۔

وزیراعظم عمران خان اور روسی صدر کی اہم ملاقات 24 فروری کو ہو گی۔وزیراعظم کی روسی صدر کے ساتھ ون آن ون ملاقات اور وفود کی سطح پرملاقات ہو گی۔وزیراعظم اور روسی ڈپٹی وزیراعظم کی ملاقات بھی شیڈول ہے۔ڈپٹی وزیراعظم روس کے ساتھ ملاقات میں توانائی کے شعبہ سے متعلق امور پر گفتگو ہو گی۔

وزیراعظم عمران خان ماسکو میں روس کی سب سے بڑی مسجد و اسلامک سینٹر ماسکو کا دورہ کریں گے۔ روسی فیڈریشن کے گرینڈ مفتی سے ملاقات کریں گے۔وزیراعظم روس کی معروف کاروباری شخصیات سے ملاقات بھی کریں گے۔وزیراعظم 24 فروری کو وطن واپس روانہ ہوں گے۔

This website uses cookies to improve your experience. We'll assume you're ok with this, but you can opt-out if you wish. Accept Read More