وزیراعظم عمران خان نے کراچی گرین لائن بس منصوبے کا افتتاح کردیا

وزیرِ اعظم عمران خان نے کراچی میں گرین لائن بس منصوبے کا افتتاح کر دیا ہے۔ افتتاحی تقریب نمائش چورنگی پر منعقد ہوئی کس میں پی ٹی آئی کے رہنماوں اور کارکنوں نے شرکت کی۔

کراچی میں گرین لائن بس ریپڈ ٹرانزٹ سسٹم منصوبے کے افتتاح کے موقع پر وزیرِ اعظم عمران خان نے بس کا ٹکٹ بھی لیا اور بس میں سوار ہوئے اور اس کا معائنہ کیا۔ گرین لائن بس ریپڈ ٹرانزٹ سسٹم منصوبہ 35.5 بلین روپے کی خطیر رقم سے مکمل ہوا ہے۔ گرین لائن بسیں روزانہ 1 لاکھ 35 ہزار مسافروں کو سفر کی سہولت فراہم کریں گی۔

اٹھارہ کلومیٹر طویل گرین لائن ٹریک کا سنگ بنیاد پاکستان مسلم لیگ نون کی حکومت نے 26 فروری 2016ء کو رکھا تھا، اسے سال 2018ء میں مکمل ہونا تھا مگر تاخیر کے بعد اب یہ منصوبہ پایہ تکمیل کو پہنچ رہا ہے اور اعلان کے مطابق 25 دسمبر 2021ء کو گرین لائن کو عوام کے لیے کھول دیا جائے گا۔

This website uses cookies to improve your experience. We'll assume you're ok with this, but you can opt-out if you wish. Accept Read More