وزیراعظم عمران خان چین پہنچ گئے

اسلام آباد: وزیراعظم عمران خان تاریخی دورہ چین پہنچ گئے۔وزیراعظم کی چینی صدر اور ہم منصب سے ملاقاتیں ہوں گی جبکہ متعدد معاہدوں پر دستخط بھی کیے جائیں گے۔

وزیراعظم عمران خان 4 روزہ دورہ چین کے دوران چینی صدر شی جن پنگ اور وزیراعظم لی کی چیانگ سے دوطرفہ ملاقاتیں کرینگے۔ ملاقات میں دو طرفہ تعلقات کے تمام پہلووں کا جائزہ لیں گے جن میں چین پاکستان اقتصادی راہداری سمیت اقتصادی تعاون اور تجارت میں اضافے پر خصوصی توجہ مرکوز کی جائے گی۔

وزیراعظم عمران خان کے دورہ چین کے دوران متعدد معاہدوں اور مفاہمت کی یادداشتوں پر دستخط کئے جائیں گے۔ دونوں ملکوں کے رہنما اہم علاقائی اورعالمی امور پر بھی تفصیلی تبادلہ خیال کریں گے۔

وزیراعظم عمران خان بیجنگ میں چین کی ممتاز کاروباری شخصیات ، چینی تھنک ٹینکس کے نمائندوں، ماہرین تعلیم اور صحافیوں سے بھی ملاقاتیں کریں گے۔

وزیراعظم عمران خان ہونے والی ونٹر اولمپکس کی افتتاحی تقریب میں بھی شریک ہوں گے۔

This website uses cookies to improve your experience. We'll assume you're ok with this, but you can opt-out if you wish. Accept Read More