صدر مملکت ڈاکٹرعارف علوی کی تاجک ہم منصب سے ملاقات

اسلا م آباد: صدر مملکت ڈاکٹر عارف علوی نے تاجکستان کے صدر امام علی رحمن سےملاقات کی ہے۔دونوں رہنماؤں نے کاسا ایک ہزار منصوبے پر عمل درآمد کا جائزہ لیا۔

صدر عارف علوی نے تاجکستان کے صدر امام علی رحمٰن سے ملاقات کے دوران گفتگو کرتے ہوئے کہا کہ پاکستان اور تاجکستان کے مابین مضبوط معاشی شراکت داری کیلئے تجارتی اور سرمایہ کاری کے روابط كو مزید فروغ دینے کی ضرورت ہے۔

صدر مملکت نے پاکستان کی بندرگاہوں کے ذریعے تاجکستان کیلئے علاقائی انضمام اور روابط کی اہمیت پر زور دیا۔عارف علوی کا کہنا تھا کہ افغانستان میں امن، مفاہمت اور استحکام کیلئے پاکستان اور تاجکستان کو مل کر کام کرنے کی ضرورت ہے۔

دونوں رہنماؤں نے افغانستان میں انسانی صورتحال کی وجہ سے درپیش چیلنجز پر بھی تبادلہ خیال کیا۔دونوں رہنماؤں نے موجودہ دو طرفہ تعلقات کی سطح پر اظہار اطمینان کرتے ہوئے تعلقات مزید مستحکم بنانے پر اتفاق کیا۔

This website uses cookies to improve your experience. We'll assume you're ok with this, but you can opt-out if you wish. Accept Read More