صدر پاکستان، وزیراعظم اور دیگر رہنماؤں کا ملکہ برطانیہ کے انتقال پر اظہار تعزیت

صدر ڈاکٹر عارف علوی، وزیر اعظم شہباز شریف، وزیر اعلیٰ پنجاب اور دیر رہنماؤں کا ملکہ برطانیہ الزبتھ دوئم کے انتقال پر اظہار تعزیت کیا ہے۔

صدر مملکت نے ملکہ برطانیہ کے انتقال پر شاہی خاندان اور برطانوی حکومت اور عوام سے اظہار افسوس کیا ہے۔ ان کا کہنا تھا کہ ملکہ برطانیہ کے انتقال سے دنیا میں پیدا ہونے والا خلا پرکرنا مشکل ہوگا، ملکہ الزبتھ دوئم کو تاریخ میں سنہری حروف سے یاد رکھا جائےگا۔

وزیراعظم شہباز شریف نے بھی ملکہ برطانیہ کےانتقال پر دکھ اور افسوس کا اظہار کیا ہے۔ انہوں نے کہا کہ پاکستان ملکہ کی وفات کے سوگ میں برطانیہ و دیگر دولت مشترکہ ممالک کے ساتھ ہے۔ وزیر اعظم شہباز شریف نے برطانیہ کے شاہی خاندان،عوام اور حکومت سے اظہار تعزیت کیا ہے۔

وزیراعلیٰ پنجاب پرویز الٰہی نے خراج عقیدت پیش کرتے ہوئے کہا کہ ملکہ الزبتھ دوم نے انسانیت کی فلاح وبہبود کیلئے گراں قدر خدمات سرانجام دیں،انہیں پاکستان کے ساتھ خصوصی لگاؤ تھا۔

مریم نواز کا کہنا ہے ملکہ برطانیہ کے انتقال سے ایک عظیم وراثت کا دور ختم ہو گیا۔

This website uses cookies to improve your experience. We'll assume you're ok with this, but you can opt-out if you wish. Accept Read More