پی پی رہنما نفیسہ شاہ کا چاغی کے واقعے کی تحقیقات کا مطالبہ

اسلام آباد: پیپلزپارٹی کی رکن قومی اسمبلی ڈاکٹر نفیسہ شاہ نے وزیراعظم سمیت متعلقہ اداروں سے چاغی کے واقعے کا فوری نوٹس لینے کا مطالبہ کردیا ۔

پیپلزپارٹی کی رہنما ڈاکٹر نفیسہ شاہ کا کہنا تھا کہ چاغی میں مقامی لوگوں کے احتجاجی مظاہرے پر فائرنگ سے متعلق خبریں پریشان کن ہیں۔چاغی میں فائرنگ کے نتیجے میں مقامی لوگوں کے زخمی ہونے کی اطلاعات پر تشویش ہے۔پرامن احتجاج ہر شہری کا بنیادی اور آئینی حق ہے۔

نفیسہ شاہ نے کہا کہ اگر مظاہرین نے قانون کی خلاف ورزی بھی کی ہے تو ان کے خلاف قانون کے مطابق ایکشن ہونا چاہئے۔ چاغی واقعے کی تحقیقات کرکے حقائق سامنے لائے جائیں۔ انہوں نے کہا کہ تشدد اور فائرنگ سے نہیں بلکہ مسائل کا حل مذاکرات ئی ہے۔ مظاہرین کے تحفظات کو سنا جائے۔

This website uses cookies to improve your experience. We'll assume you're ok with this, but you can opt-out if you wish. Accept Read More