وزیر اعظم کی زیر صدارت کھاد کے اسٹاک اور قیمتوں کے حوالے سے اجلاس

اسلام آباد: وزیر اعظم عمران خان کی زیر صدارت ملک میں کھاد کے اسٹاک اور قیمتوں کے حوالے سے اجلاس ہوا۔ اجلاس میں وفاقی وزراء اسد عمر، خسرو بختیار، فخر امام، مشیر خزانہ شوکت ترین اور سینیئر افسران شریک ہوئے۔

اجلاس میں بریفنگ دی گئی کہ ذخیرہ اندوزی کے خلاف اقدامات سے کھاد کی فی بوری قیمت فروخت میں اوسطاً 400 روپے کی کمی آئی ، سپلائی مانیٹر کرنے کے لیے آن لائن پورٹل بنایا جس سے کھاد کی نقل و حرکت اور اسٹاک کو مانیٹر کیا جاسکے گا۔

اجلاس میں بتایا گیا کہ 13 نومبر سے اب تک کھاد کی ذخیرہ اندوزی کو روکنے کے لیے متعدد اقدامات کیے گئے ہیں، 347 مقدمات، 244 گرفتاریاں، 480 گودام سیل اور 2.79 کروڑ کے جرمانے کیے جا چکے ہیں۔ جبکہ صوبوں کے مابین سرحدوں پر اسمگلنگ روکنے کے لیے چیک پوسٹیں بھی قائم کی گئی ہیں۔

وزیر اعظم نے ذخیرہ اندوزی اور ناجائز منافع خوری میں ملوث عناصر کے خلاف قانونی کارروائی جاری رکھنے کی ہدایت کردی۔

This website uses cookies to improve your experience. We'll assume you're ok with this, but you can opt-out if you wish. Accept Read More