معیشت پائیدارترقی کی راہ پر گامزن ہے، عمران خان

اسلام آباد: وزیراعظم عمران خان نے کہا ہے کہ حکومت کی کامیاب معاشی پالیسیوں کی بدولت ورثہ میں ملنے والی دیوالیہ معیشت کو استحکام ملا۔ معیشت اب پائیدارترقی کی راہ پر گامزن ہے۔

وزیراعظم سے پشاور، اسلام آباد، راولپنڈی، جکوال سے تعلق رکھنے والے خواتین ارکان اور وفاقی وزیر علی زیدی نے الگ الگ ملاقاتیں کیں۔ وزیراعظم نے ملاقات میں گفتگو کرتے ہوئے تمام منتخب نمائندوں کو ہدایت کی ہے کہ عوام کے ساتھ اپنا رابطہ مضبوط کریں اور عوام کو باورکرائیں کہ حکومت انکی پریشانیوں سے پوری طرح آگاہ ہے۔

وزیراعظم عمران خان نے کہاکہ عالمی منڈیوں میں اشیاکی قیمتوں میں تاریخی اضافے کی وجہ سے مہنگائی کے منفی اثرات سے بچنے کے لیے اقدامات کررہے ہیں۔ اور حکومت ٹارگٹڈ سبسڈیز اور نوجوانوں کے لیے روزگار کے وسیع مواقع پیدا کررہی ہے۔

وزیراعظم نے کہاکہ سرمایہ کار دوست ماحول پیداکرکے مہنگائی کے منفی اثرات کو کم کرنے کی بھرپورکوشش کررہے ہیں۔ وزیراعظم نے پنجاب اورخیبرپختونخوا کے بلدیاتی انتخابات میں کامیابی کے لیے کارکنوں کو متحرک کرنے کی بھی ہدایت کی۔

This website uses cookies to improve your experience. We'll assume you're ok with this, but you can opt-out if you wish. Accept Read More