لیگی ایم پی اے بلال یاسین پر حملے میں استعمال ہونے والا پستول برآمد، تحقیقات جاری

لاہور: مسلم لیگ نون کے رکن پنجاب اسمبلی بلال یاسین پرقاتلانہ حملے میں استعمال ہونے والا پستول مل گیا جبکہ حملے کی سی سی ٹی وی فوٹیج بھی منظر عام پرآگئی۔ حملے کا مقدمہ داتا دربار تھانے میں درج کرلیا گیا ہے ۔

پولیس کے مطابق لیگی ایم پی اے بلال یاسین پر قاتلانہ حملے میں استعمال پستول مل گیا ۔ملزمان کے فرار ہوتے ہوئے پستول گرگیا تھا ۔پستول کے مالک کا پتہ لگایا جارہا ہے۔سیف سٹی کیمروں سے ملزمان تک پہنچنے میں مدد ملے گی۔

دوسری جانب مسلم لیگ نون کے رکن پنجاب اسمبلی بلال یاسین کو آپریشن تھیٹر سے آئی سی یو منتقل کردیا گیاجہاں ان کی حالت بہتر بتائی جارہی ہے ۔

This website uses cookies to improve your experience. We'll assume you're ok with this, but you can opt-out if you wish. Accept Read More