پی ڈی ایم نے سربراہی اجلاس کیلئے سفارشات کو حتمی شکل دے دی

اسلام آباد: حکومت مخالف اتحاد پی ڈی ایم کی اسٹیئرنگ کمیٹی نے سربراہی اجلاس کے لئے سفارشات کو حتمی شکل دے دی ۔ کمیٹی نے سفارش کی ہے کہ 23 مارچ کے لانگ مارچ کی تاریخ تبدیل نہیں ہونی چاہیے ۔

پی ڈی ایم کی اسٹیرنگ کمیٹی نے سربراہی اجلاس کے لئے سفارشات کو حتمی شکل دے دی ۔ مولانا عبدالغفور حیدری کا کہنا ہے کہ پی ڈی ایم کے سر براہی اجلاس میں سفارشات پر غور کے بعد حتمی فیصلہ کیا جائے گا ۔ اسٹیرنگ کمیٹی نے سفارش کی ہے کہ 23 مارچ کے لانگ مارچ کی تاریخ تبدیل نہیں ہونی چاہیے ۔

اسٹیرنگ کمیٹی نے تجویز دی ہے کہ فارن فنڈنگ کیس کے جلد فیصلہ کے لیے معاملہ اٹھایا جائے ۔ فارن فنڈنگ کیس مضبوط کیس ہے ۔ تحریک انصاف کے کئی اکاؤنٹ خفیہ ہیں اس کو اٹھایا جائے ۔

پی ڈی ایم اسٹیرنگ کمیٹی کی سفارش میں کہا گیا ہے کہ پی ڈی ایم ای وی ایم اور صدارتی نظام کو مسترد کرتی ہے ۔ پارلیمانی نظام ہی ملکی مسائل کا حل ہے ۔ وزیراعظم اور سپیکر قومی اسمبلی کے خلاف تحریک عدم اعتماد پر غور کیا گیا پہلے مرحلہ میں سپیکر اور ڈپٹی سپیکر کے خلاف عدم اعتماد تجویز کردیا گیا۔

This website uses cookies to improve your experience. We'll assume you're ok with this, but you can opt-out if you wish. Accept Read More