پی ڈی ایم کے قافلے 23 مارچ کو اسلام آباد کا رخ کریں گے، مولانا فضل الرحمان

کراچی: اپوزیشن اتحاد پی ڈی ایم کے سربراہ مولانا فضل الرحمان کا کہناہے کہ 23مارچ نااہل حکمرانوں سے نجات کا دن ہوگا۔ ملک بھر سے قافلے اسلام آباد کا رخ کریں گے لیکن قومی دن کی سرکاری تقریب میں خلل نہیں ڈالیں گے۔

پی ڈی ایم سندھ کے اجلاس کے بعد صحافیوں سے گفتگو کرتے ہوئے مولانافضل الرحمان نے کہاکہ مہنگائی کے خلاف احتجاجی مارچ ناگزیرہے۔ پی ڈی ایم 23 مارچ کو اسلام آباد کا رخ کرے گی تاہم سرکاری تقریب میں خلل نہیں ہوگا۔انہوں نے بتایا کہ مارچ میں سندھ سے شرکت کے لئے علامہ راشد سومرو کی سربراہی میں کمیٹی تشکیل دے دی گئی ہے۔

انہوں نے کہاکہ کے پی کے کے بلدیاتی انتخابات میں اسٹیبلشمنٹ نے مداخلت نہیں کی۔ بیوروکریسی ان کی تھی لیکن قوتوں نے ہاتھ ہٹایا تو بلدیاتی انتخابات میں انجام سب نے دیکھ لیا۔ بلدیاتی انتخابات نے ثابت کردیا کہ پچھلے الیکشن میں دھاندلی ہوئی تھی۔

پیپلز پارٹی کے شریک چیئرمین آصف علی زرداری کے بیان کے حوالے سے پوچھے گئے ایک سوال پرمولانافضل الرحمان نے کہا کہ فارمولہ بنانے کی پیشکش کرنے والے واضح ہونے چاہئیں۔ جہاں ابہام ہو اس پر گفتگو نہیں کی جاتی ہے ۔

This website uses cookies to improve your experience. We'll assume you're ok with this, but you can opt-out if you wish. Accept Read More