پی ڈی ایم کا لانگ مارچ کی تاریخ تبدیل نہ کرنے کا فیصلہ

اسلام آباد: مولانا فضل الرحمان کی زیر صدارت پی ڈی ایم کا سربراہی اجلاس ہوا جس میں لانگ مارچ کی تاریخ تبدیل نہ کرنے پر اتفاق کیا گیا۔

مولانافضل الرحمان کی زیرصدارت پی ڈی ایم کا سربراہی اجلاس ہوا۔ اجلاس میں شاہدخاقان عباسی نےاسٹیئرنگ کمیٹی کی8سفارشات پیش کیں۔ اجلاس میں لانگ مارچ کی تاریخ تبدیل نہ کرنےپراتفاق کیا گیا ۔ 23 مارچ کے لانگ مارچ کے اسلام آباد میں قیام کو خفیہ رکھنے پر اتفاق کیا گیا ۔

پی ڈی ایم اجلاس کے بعد پریس کانفرنس کرتے ہوئے سربراہ پی ڈی ایم مولانا فضل الرحمان نے کہا کہ 23 مارچ کو ملک کے کونے کونے سے عوام اسلام آباد کا رخ کریں گے۔مولانا فضل الرحمان نے کہا کہ ملک کو مہنگائی کے ایسے بھنور میں پھنسا دیا گیا ہے جس سے نکلنے کے آثار نہیں آرہے۔عوام کی چیخیں انہیں سنائی نہیں دے رہی۔ان حکمرانوں کو عوام کے کرب کا کوئی احساس نہیں۔

انہوں نے کہا کہ سارے سیاستدانوں کے خلاف کرپشن کے نعرے اور چور چور اور چور کہنے والوں کو ٹرانسپرنسی انٹرنیشنل نے ان کے مصنوعی ایمانداری کا آئینہ دکھا دیا ہے۔تاریخ کی سب سے ناکام، کرپٹ اور نااہل حکومت یہ ثابت ہوچکی ہے، اب بھی کوشش کررہی ہے کہ مشینوں کا سہارا لے کر دھاندلی کے ذریعے اقتدار کے مزے لوٹے، قوم بیدار ہے ان کو مکھی کی طرح انگلی سے پکڑ کر اقتدار سے باہر کیا جائے گا۔

This website uses cookies to improve your experience. We'll assume you're ok with this, but you can opt-out if you wish. Accept Read More